Инсон Ҳуқуқлари Ўзбекистон: Миллий телерадиокомпания ходимлари президент Ислом Каримовга очиқ хат билан мурожаат қилдилар

02.09.2010 17:39 msk

Олдинроқ давлат телевидениесида цензура ва маҳаллийчилик ўрин олгани ҳақида билдирган Ўзбекистон “Ёшлар” телеканали журналистлари Саодат Омонова ва Малоҳат Эшонқулова мамлакат президенти Ислом Каримовга очиқ хат билан мурожаат қилдилар. Ўзбекистон Миллий телерадиокомпания ходимлари ўзларининг мурожаатида Миллий телерадиокомпаниялаги вазият ҳақида сўзлаб бериб, давлат раҳбаридан телеканал раҳбарларининг бошбошдоқлигидан ҳимоя қилишни сўраяптилар. Сўнгги вақтда Саодат Омоновага телефон орқали таҳдид ва ҳақоратлар кўпайиб қолди. Журналист буни ўзининг яқиндаги чиқишлари билан боғлаяпти.

Ўзбекистонда “жиҳодчилар” гуруҳини тугатаяптилар

30.08.2010 12:38 msk

Шу кунларда Тошкент вилоятининг Янгийўл туманида тўрт кишидан иборат экстремистлар гуруҳини қўлга олиш бўйича операция ўтказилди. Узоқ вақт давом этмаган отишмадан сўнг милиция ходимлари бир маълумотга кўра бир кишини ва бошқа маълумотга кўра гуруҳнинг барча тўрт аъзосини қўлга олганлар. Журналистлар билиб олишга эришган тафсилотлар билан “Фарғона.Ру” агентлигининг Тошкентдаги шарҳловчиси Алексей Волосевичнинг мақоласида ўқинг.

Инсон Ҳуқуқлари Ўзбекистон: Ўзбекистон Миллий телерадиокомпанияси ходимлари ўз раҳбарларини кескин танқид остига олдилар

29.08.2010 16:24 msk

Ўзбекистон давлат телевидениеси Ёшлар каналида исён содир бўлди. “Давр” теледастурининг шарҳловчиси Саодат Омонова ва телевидение мухбири Малоҳат Эшонқулова матбуот анжуманида сўзга чиқиб, телеканал иши қатъий цензуру остида, раҳбарлар орасида коррупция ва маҳаллийчилик гуллаб яшнаётгани, давлат томонидан ривожланиш учун ажратилаётган маблағларнинг катта қисми талон-тарож қилинаётганини билдирдилар. Бунга жавобан уларнинг раҳбарлари каналда ҳеч қандай цензура йўқ дея раддия бердилар. Маҳаллий фуқаролик жамияти фаоллари ва ҳуқуқ ҳимоячилар ҳақиқат “исёнчилар” тарафида дея ишончлари комил. Улар журналистларга бу муаммолари қонун ва жамият ҳукмига олиб чиқишга ёрдам бермоқчилар.

Инсон Ҳуқуқлари Ўзбекистон: Журналистларни таъқиб этиш давом этмоқда

20.08.2010 22:16 msk

Ўзбекистон расмийлари цензурага бўйсунишни истамаган журналистларни таъқиб этишда бардавом бўлиб қолаяптилар. Энди нафақат ўзбекистонликлар, балки россиялик журналистларнинг ҳам бошида калтак синадиганга ўхшаяпти. Бугунги кунда Москвадаги “Парламентская газета”нинг мухбири, “Vesti.uz” сайтининг муҳаррири Владимир Березовскийнинг иши судга оширилди. Бунинг сабаби эса - Россиянинг бир қатор ахборот агентликлари, хусусан, Интерфакс, ИТАР-ТАСС, РИА Новости, Регнум АА, Росбалт, Фарғона.Ру сайтларидан олинган хабарларни ўз сайтида кўчириб босгани бўлди.

Фарғона водийси Қирғизистондаги воқеалар: Андижонча кўз қараш

21.07.2010 09:31 msk

Инсон Ҳуқуқлари Ўзбекистон расмийлари барча қочоқларни мажбурлаб Қирғизистонга жўнатиб юбордилар.

26.06.2010 16:15 msk

Сўнгги уч кун давомида Ўзбекистон расмийлари расман рўйхатдан ўтказилган қирғизистонлик қочоқларнинг ҳаммасини мажбуран уйларига жўнатиб юборди. Кеча 25 июнь куни Қирғизистонга уларнинг қолганлари ҳам қайтдилар. Чегарадан нолегал тарзда ўтиб қариндошлариникида жойлашиб олган қочоқлар қолдилар, холос. Кузатувчиларга кўра, 27 июнь куни ўтказилиши режаланган умумхалқ референдумида иштирок этишлари учун қочоқларни расмий Бишкек илтимосига мувофиқ Қирғизистонга шошилинч равишда қайтарганлар.

Жамият Ўзбекистонда ОИТС ва унинг профилактикаси бўйича чоралар кўрилмоқда

27.05.2010 13:37 msk

Ўзбекистонда беморларга ОИТС юқтиришда айбдор врачлар ва медицина ходимларига расмий равишда жиноий жавобгарлик жорий этилди. Жиноят кодексида бундай жавобгарлик олдин ҳам кўзда тутилган, аммо бундан бери “касб мажбуриятларини бажармагани ёки совуққонлик билан бажаргани” оқибатида ОИТС юқтирилган бўлса, врачлар жавобгарликка тортиладилар. Қонунга киритилган ўзгартишлар ВИЧ-инфекция тарқалишининг “врачлик йўли” борлигини Ўзбекистон расмийлари ҳам расман тан олганини англатади. Киритилган янги ўзартишларни Ўзбекистон ва жаҳон жамоатчилигига маълум бўлиб қолган Наманган шаҳар ва Наманган вилояти касалхоналарида болаларга оммавий равишда ОИТС юқтирилишига расмий жавоб чора сифатида кўрилди дея тахмин қилиш мумкин.

Турфа Ўзбекистон: Навбат қабристондаги чинор-қайрағочларга келди

22.05.2010 14:42 msk

Тошкентдаги Минор қабристонида дарахтлар кесилмоқда. Кесилганда ҳам улкан, соя берадиган, саноат аҳамиятига эга бўлган улка чинор, дуб ва қайрағочлар кесилмоқда. Баъзи маълумотларга кўра, Ўзбекистон пойтахти бойларининг ўртасида сўнгги пайтларда чинордан ясалган паркетларга талаб кучайган. Ишбилармон тадбиркорлар эса ҳар қандай эҳтиёжларни қондиришга тайёр. Кузатувчилар бундай кенг кўламли операцияни фақат юқори мартабали ишбилармонлар давлат рaҳбарининг шахсан бергани рухсатига биноан амалга ошира оладилар дея ишончлари комил.

Иқтисод, тижорат Осиё тараққиёт банки Ўзбекистон сиёсатига рози ва бир миллиард доллардан зиёд кредит берди

07.05.2010 20:15 msk

Осиё тараққиёт банки Бошқарувчилар кенгашининг 43-чи йиллик мажлиси 2010 йил 1-4 май кунлари Ўзбекистонда бўлиб ўтди. Расмий Тошкент мутлақо қониқиш ҳиссини туймоқда: мажлис доирасида умумий қиймати 1 миллиард 150 миллон долларга тенг кредит битимлари имзоланди, ОТБ амалда республикадаги кредит портфелини икки баробарига кўпайтирди. Мажлис осойишта ўтди: Форум ўтаётган кунларда Тошкент ёпиқ шаҳарга айланди, ҳуқуқ ҳимоячиларга пикет ўтказишга имконият бермадилар, ташкилотчилар Нодавлат ташкилотлари форумининг бойкотига эътибор бермасликка қарор қилдилар. Тошкентдаги мажлис ОТБ иқтидордаги режим каби ўзининг Ўзбекистондаги статус-кво мақомини сақлаб қолишдан манфаатдорлигини тасдиқлади

Иқтисод, тижорат “Сен - менга, мен - сенга”: Ўзбекистонда аксилтожикистон намойишларнинг чинакам мазмун-моҳияти нимада?

03.04.2010 20:22 msk

Ўзбекистон Экология ҳаракати Тожикистон алюминий заводига қарши кампаниясини давом этмоқда. Бу корхона 35 йилдан бери ишлаб келади, аммо Ўзбекистон эндигина унга қарши фаол чиқа бошлади. Расмийлар республика учун ғайри табиий бўлган норозилик шаклидан фойдаланган ҳолда митинглар уюштириб, бунга маҳаллий аҳолини жалб қиляптилар. “Фарғона.Ру” экспертлари алюминий саноатининг зарарли чиқиндиларидан атроф муҳитнинг ифлосланиши борасидаги Ўзбекистон экологларининг ташвиши чинакамига ўринли эканлигини қайд этмоқдалар ва шу билан бирга, экологик муаммоларнинг урғуланиши аслида Душанбенинг стратегик объектлар қуриш бўйича режаларига ва хусусан, Роғун ГЭС қурилишига расмий Тошкент муносабатининг қулай, “тамаддуний” изҳор этиш шакли дея таъкидламоқдалар.

Инсон Ҳуқуқлари Томорқада наша пояси. Болали ёлғиз аёллар учун яхши иш

01.04.2010 20:56 msk

Шу кунларда Самарқанд вилоятида наркобизнес ва одам савдоси билан боғлиқ жиноят ишларида аёллар бошқаларга қараганда кўпроқ фигурант бўлиб қолаяптилар. Агар судланувчи курсисида ишсиз, эри йўқ ёлғиз аёл ўтирса-ю, унинг қарамоғида кичик ёшли боласи бўлса, Самарқанд вилояти судлари унга томорқада наша экиб етиштиргани ёки одамларни чет элда ишлашга ёллагани (аслида эса фоҳишаликка ёки қулликка сотгани) учун шартли жазо қўллаяпти ёки жаримага тортаяпти.

Инсон Ҳуқуқлари Ўзбекистон: Расмийлар шифокорларнинг чет эл сафарларини қаттиқ назорат остига олишмоқда

28.03.2010 22:14 msk

Бундан бери Ўзбекистондаги касалхона ва поликлиника бош врачлари ўз ихтиёрлари билан чет элга чиқа олмайдилар. Республика Соғлиқни сақлаш вазири чиқарган буйруғига кўра, соғлиқни сақлаш маҳкамасининг мутасаддилари ва мамлакатдаги касалхоналарнинг раҳбарлари чет элга чиқмоқчи бўлсалар вазирдан шахсан рухсатнома олишлари, қайтиб келганларидан кейин эса “хорижий сафари” ҳақида батафсил ҳисобот беришлари лозим. Бордию, медицина ходими сафари давомида маърузалар ўқишни режалаётган бўлса, у даставвал маърузалари нусхасини вазирликка тақдим этиши лозим. Буни фақат навбатдаги Ўзбекистон Конституцияси кафолатлаган фуқароларнинг эркин ҳаракатланишини чеклаш каби баҳолаш мумкин, холос.

Жамият Наманган сирлари-2008: Болаларга ОИТ-вирусини оммавий равишда юқтирилиши ҳақидаги маълумот икки йилдан бери яшириб келинмоқда

26.03.2010 09:46 msk

Ўзбекистон Республикаси Наманган вилоятининг касалхоналарида 2007-2008 йилларда 147 бола одам иммун танқислиги вирусини (ОИТВ) юқтирди. Мутасаддилар шу чоққача бу мавзуда маълуот беришдан бош тортиб келишмоқда. Ўзбекистон ҳукумати эса “ваҳима тарқатмаслик” ва “уйдаги сирни ташқарига чиқармаслик”, яъни жамоатчликдан ҳаётий зарур бўлган муҳим ахборотни яшириш учун ўша пайтда қўлидан келадиган бор ишларни қилди. Ўз навбатида, “Фарғона.Ру” таҳририяти ҳам бу масалага ойдинлик киритиш учун ўз текширувини олиб борди ва ниҳоят қўлимизга 2007-2008 йилда содир этилган тиббий жиноятларнинг бевосита далиллари келиб тушди. Бу – расмийлар буюртмасига биноан тасвирга олинган, аммо томошабинларга кўрсатилмаган ҳужжатли фильм. Бугунги кунда жиноят содир этган медицина ходимлари жазога тортилгани билан, мамлакатда тиббий йўл билан инфекция юқтириш муаммоси долзарблигича қолмоқда.

Турфа Ўзбекистонда Наврўз: Тошкентда об-ҳаво туфайли байрам концерти ўтказилмади

22.03.2010 15:40 msk

Ягона томошабин – Ўзбекистон президенти Ислом Каримов учун аталган анъанавий байрам концерти об-ҳавонинг кескин равишда бузилиб кетгани боис бекор қилинди. 20 март куни Ўзбекистон пойтахтида ҳаво ҳарорати ноль даражага тушиб кетди, эрталабдан жала қуйиб берди, баъзи жойларга эса қор ҳам ёғди. Якшанба куни эса ҳаво ҳарорати 8 даражадан ошмади, осмонни булут қоплаб, ҳар дақиқада ёғингарчилик бошланиши кутилди. Шу сабабдан ўзбек эстрадаси юлдузлари иштирокидаги концерт бўлмади. Бироқ мисли кўрилмаган эҳтиёт чораларини бекор қилингани йўқ.

Иқтисод, тижорат Илиқ сутда тезак парчаси. “Қувноқ сутчи” ўрнига қишлоқлик қатиқфурушлар

19.03.2010 18:34 msk

Ўзбекистонда расмийлар билан “Вимм-Биль-Данн Тошкент” МЧЖ ўртасидаги можаро тўхтагани йўқ. Ушбу корхона Россиянинг “Вимм-Биль-Данн” компаниялар гуруҳига киради ва Россия томонидан назорат қилинади. 2009 йил охирида санитария эпидемиология назорати компаняни маҳсулот “сифат стандартларини бузишда” айблади ва шундан кейин Тошкент сут заводини ёпиб қўйдилар. Томонлар “Вимм-Биль-Данн” бундан кейин Тошкентда қандай шартлар асосида ишлаши мумкинлиги тўғрисида қайтадан келишаётган бир пайтда эса шаҳарни қишлоқлик қатиқфурушлар эгаллади. Улар сотаётган маҳсулот сифати борасида анча эътироз билдириш мумкин. “Уй” сути ичидан соч толалари, қил ва тезак парчалари чиқаётгани санэпидемназоратни асло ҳижолот қилаётгани йўқ.