Фарғона.Ру - Ахборот агентлиги

Ўзбекистон: Охлат учун кураш. Самарқанд вилоятида бизнес расмийларга тўқнаш келди

Фарғона.Ру АА — Wed, 10 Mar 2010 18:29:05 +0300

Самарқанд вилояти Самарқанд туманидаги “Самарқанд туман МТП” Давлат мажоритар ОАЖ бир ярим йилдан бери корхона бошқарувчисисни алмаштира олмаяпти. 2008 йилда Машина-трактор паркининг 51 фоиз акцияларини сотиб олган “Дункан-Техно” МЧЖ шу чоққача корхонанинг иши ва сиёсатига аралаша олмаяпти. МЧЖ директори Меҳрож Абдужабборовнинг таъкидлашича, МТП директори ишларни топширмай, эгаллаб турган лавозимини бўшатмаяпти. Негаки, уни туман ҳокимлиги қўллаяпти. Шунинг учун ҳам у корхонанинг янги эгаси кўрсатмаларини бажармасликни афзал кўрмоқда. М.Абдужабборовнинг акаси, МДҲ иштирокчи-давлатлар Минтақалараро таълим марказининг раиси Мақсуд Абдужабборов юзага келган вазиятни “Фарғона.Ру” агентлигига қуйидагича шарҳлаб берди: “Акцияларни бир ярим йил олдин сотиб олгандик, биз корхона бошқарувига ёш, иқтидорли йигитларни қўйиб, жамоани янгиламоқчи эдик. Бир неча цех очишни ва янги иш ўринларини яратишни режалагандик. 2009 йил ноябрь ойида акционерлар йиғилиши корхонананинг янги Кузатув кенгашини сайлади. Янги кенгаш МТП корхонасининг 2009 йил учун молиявий-хўжалик фаолияни аудиторлик текширувини ўтказиш тўғрисида қарор қабул қилди, бироқ МТП директори Баҳодир Маматқулов бу қарорни бажаришдан бош тортмоқда ва у деярли иш жойида бўлмаяпти. Ва энг асосийси – уни туман ҳокими Баҳодир Саъдуллаевнинг ўзи қўллаяпти. У Маматқуловни 2007 йилда шу лавозимга тайинлаган эди”. “Бизнинг тахмин қилишимизча, - дея давом этади М.Абдужабборов, - корхона раҳбарлигини бўшатиб бермаслик бўлгуси текширув билан боғлиқ. МТП кўчалар ва жамоат жойларини тозалаш, ахлатни йиғиштириб олиб чиқиш билан шуғулланади. Бу ишлар учун пулни ҳокимият ўтказиб беради. Биз қанча пул ўтказиб берилишини, тарифлар қандайлигини ва бошқа тафсилотларни билмаймиз. Кўринишидан, МТП раҳбарияти ва туман ҳокимлиги ўзларининг молиявий муносабатларини ошкор этишни истамаяптилар”. Ака-ука Абдужаббаровларнинг таъкидлашича, ҳокимлик корхонанинг янги эгаларини атайлаб бошқарувга яқинлаштирмаяпти. Янги Кузатув кенгаши сайланганидан бери икки марта суд бўлиб ўтди. Судлар Кузатув кенгаши сайловлари қоида бузилишларисиз ўтган деган хулосага келди. Бироқ Кузатув кенгашининг қарори МТП директори томонидан ҳамон эътиборга олинмаяпти. “Самарқанд тумани МТП” ОАЖ Кузатув кенгашининг раиси Б.Усмоналиев Ўзбекистон Бош прокуратурасига ва Самарқанд вилояти прокуратурасига ариза билан мурожаат этди. “Фарғона.Ру” агентлигига маълум бўлишича, МТП менежементида ўзгаришлар содир бўлса, кўча тозалашнинг олдинги тарифлари қайта кўриб чиқилади. Мақсуд Абдужабборовга кўра, “фермер бой бўлса, унга кўрсатадиган хизмат ҳам қимматроқ бўлади, агар кўчада камхаржроқ оилалар яшаса, уларга енгиллик берилади. Ҳар бир кўча учун алоҳида нарх-наво қўйилади”. “Самарқанд тумани МТП” ОАЖ корхонасида 63 киши ишлайди. Авотопарк балансида 47 та автомашина ва транспорт воситалари бор. Корхона акцияларининг 49 фоизи Ўзбекистон Давлат мулк бошқармасига тегишли. “Фарғона.Ру” ҳозирча МТП директори Б.Маматқулов ва Самарқанд тумани ҳокимлиги вакилларидан ушбу вазият борасидаги фикрини ололгани йўқ. Мария Яновская

Ўзбекистон: Ислом Каримовнинг буйруғи билан йирик бизнесменларга қарши ов бошланди

Фарғона.Ру АА — Wed, 10 Mar 2010 10:16:02 +0300

Ўзбекистонда олигархларни синф сифатида тугатиш бўйича кампания борган сари илдамлашиб боряпти, дея хабар беради Тошкентда жойлашганига қарамай цензурага бўйсунмайдиган Uzmetronom Таниш-билиш ёрдамида ва коррупция йўли билан катта бойлик ортирган йирик бизнесменларга ҳужум президентнинг Конституция кунига (8 декабрь) бағишланган тантанали йғилишда сўзлаган дастурий нутқидан сўнг бошланди. Ўшанда Ислом Каримов ижтимойи зиддиятнинг келиб чиқишига сабаб бойлар ва камбағаллар ўртасидаги фарқнинг катта бўлишига йўл қўймаслигини аниқ ва лўнда қилиб билдирганди. “Бизда олигархлар бўлмайди, - дея билдирди президент ўтган йили декабрь ойида. - Агар кимдир буни ҳали тушунмаган бўлса, буни назарда тутиб юрсин”. Ҳибсга олинмай туриб республикадаги энг бой одамлардан бири, мамлакатдаги энг йирик улгуржи-чакана савдо бозорлар тармоқларининг эгаси Дмитрий Лим Ўзбекистонни биринчи бўлиб тарк этди (бозор раҳбарларининг ҳибсга олингани ҳақида олдинроқ ёзгандик). Uzmetronom тахмин қилишича, у АҚШга кетган, чунки бир неча йил илгари унинг ёш хотини ва кичик ёшдаги ўғли ўша ерга кетишганди. Uzmetronom нашрдаги бор норасмий маълумотга кўра, Лимни солиқ тўлашдан бош тортиш, мамлакатга ноқонуний равишда қурилиши материаллари олиб кириш ҳамда мамлакат иқтисодига ўнлаб миллион доллар зарар келтирган бошқа жиноятларда айбламоқдалар. Дмитрий Даценович Лим қасрида тинтув ўтказган терговчилар мисли кўрилмаган ҳашамат ва 82 та қўҳна (одатда, 1975 йилгача ишлаб чиқарилган) автомашиналардан иборат коллекцияни кўриб эслари оғиб қолай деб қолди. 2010 йил бошланишида конденционерлар ишлаб чиқарувчи Royson қўшма корхонасининг директори ва барча менежерлари ҳибсга олинди. Баъзи маълумотларга кўра, улар ҳам иқтисодий зарар келтиришда айбланмоқда. Айтишларича, Royson эгаларининг жуда ҳам обрўли ҳомийлари бўлган. Бироқ вақт кўрсатишича, обрўли ҳомийларнинг ўзлари ҳам ҳимояга муҳтож бўлиб қолар экан, дея ёзадилар нашр чоп этган мақола муаллифлари. Вимм-Билль-Данн компаниясининг Тошкентдаги фаолияти санитария эпидемия назорати талаби билан тўхтатиб қўйилгани ҳақида “Фарғона.Ру” олдин хабар берган. Энди маълум бўлишича, аслида Россия-Ўзбекистон қўшма корхонасини нақд пул ёрдамида ҳисоб-китоб қилишни тақиқловчи Ўзбекистон молия қонунчилигини бузишда айблашган экан. Ўшанда ҳеч ким ҳибсга олинмаган эди, дея ёзади нашр. Қамалишдан хавфсираган “Алп Жамол Банк” эгаси Муҳиддин Асомиддинов мамлакатни тарк этди. Февраль ойининг ўрталарида Жиззах вилоятидаги вольфрам руда кони, Намангандаги ёғ-мой комбинатининг эгси ва баъзи маълумотларга кўра, “Капитал-Банк”нинг асосий муассисларидан бири, “Пахтакор” футбол клубининг президенти Ботир Раҳимов ҳибсга олинди. Уни даромадларни яширишда, солиқ тўлашдан бош тортишда айблашмоқда. Uzmetronom ёзишича, ўтган ҳафта охирида “Қизилқумцемент” бирлашмаси директори Ражаббой Жуманазаров қочиб кетган. Бекобод цемент комбинати директори Алик Нуриддинов ҳибсга олинган. “Фарғона.Ру” агентлигининг Тошкентдаги манбалари сўнгги тўрт йил давомида “Ўзбектуризм” Миллий компаниясини бошқариб келган Зоҳид Ҳакимовнинг Тошкент аэропортида ҳибсга олинганини маълум қилмоқдалар. Шунингдек, бир қатор бошқа банклар раҳбарларига нисбатан жиноят ишлари қўзғатилган ва тергов ишлари олиб борилмоқда.

Туркия: Мамлакат шарқидаги зилзила ўнлаб одамларнинг ҳаётига зомин бўлди

Фарғона.Ру АА — Tue, 09 Mar 2010 13:26:02 +0300

Туркия ва дунё ОАВ душанба куни хабар беришларича, мамлакатнинг шарқида содир бўлган зилзила оқибатида кам деганда 41 киши ҳалок бўлди ва 60 киши яраланди.

Туркияда зилзила, 2010 йил 8 март. Фото © Worldbulletin.net

Истамбулдаги обсерватория маълумотига кўра, 8 март кунига ўтар тунда Элазиг провинциясида 6 балл кучидги зилзила содир бўлган. Зилзила ўчоғи Қаракўжана шаҳри яқинида, беш километр ер қаърида жойлашган. Маҳаллий ҳокимият вакилларининг маълум қилишларича, асосан, уйлари пахса деворлардан қурилган қишлоқдаги аҳоли пунктлари жабрланган. Тошдан ва бетондан қурилган иншоотларда ҳам ёриқлар пайдо бўлган.

Туркияда зилзила, 2010 йил 8 март. Фото © Worldbulletin.net

Табиий офатларга қарши кураш бўйича Давлат маркази фавқулодда ҳодиса содир бўлган ҳудудга қутқарувчиларни, адёл ва чодирларни жўнатди.

Ўзбекистон: Тошкентда “Пахтакор” футбол клубининг президенти ҳибсга олинди

Фарғона.Ру АА — Fri, 05 Mar 2010 19:00:04 +0300

Ботир Раҳимов. Қадамжой шаҳарчасига олиб борувчи автомобиль йўли. Kadamzhay.com веб-сайтидан олинган фотосурат
Ҳозирча расман тасдиқланмаган хабарга кўра, ҳодиса Баткен вилояти Қадамжой туманида, Ўзбекистон чегарасида содир бўлган. Қирғизистонлик чегарачи Ўзбекистон фуқароси бошқариб келаётган автомобилга қарата ўт очган. Машина эгаси чегара чизиғида тўхташ тўғрисидаги буйруққа бўйсунмаган ва ҳатто осмонга қарата отилган огоҳлантирувчи ўқ овозларини эшитиб ҳам машинани тўхтатмаган. Автомобиль ҳайдовчиси олган яралардан ўша жойнинг ўзида ҳалок бўлган, йўловчи яраланиб касалхонагша етказилган. Ҳодиса содир бўлган ерда Қирғизистон чегара хизмати томонидан тузилган махсус комиссия текширув ишларини олиб бормоқда.

Россия: “Уральские авиалинии” авиакомпанияси Тошкент-Самара йўналишида қатнов бошлаяпти

Фарғона.Ру АА — Thu, 04 Mar 2010 18:22:04 +0300

Россиянинг “Уральские авиалинии” авиакомпанияси 30 мартдан бошлаб ҳафтада бир марта “Тошкент-Самара” йўналиши бўйича қатновни йўлга қўядиган бўлди, дея хабар беради “Газета.uz”. Парвозлар А320 лайнерида қуйидаги жадвал бўйича амалга оширилади (маҳаллий вақт): Тошкент-Самара – учиш соат 04:00 да, қўниш соат 07:10 да сешанба куни; Самара-Тошкент – учиш соат 23:50 да душанба куни, қўниш соат 02:40 да сешанба куни. “Уральские авиалинии” авиакомпанияси Тошкент-Екатеринбург рейсларини бажариб келаётганига 10 йилдан ошди. Ўтган йили Тошкент-Краснодар ва Наманган-Екатеринбург йўналишлари бўйича янги рейслар очилган. “Уральские авиалинии” авиакомпанияси хавфсизлик ва ташиш ҳажмлари бўйича Россиянинг ўнта етакчи авиакомпаниялари қаторига киради.

Тўққиз йил ўтиб “Люфтганза” Ўзбекистонга қайтмоқда

Фарғона.Ру АА — Wed, 03 Mar 2010 17:14:01 +0300

Германиянинг Lufthansa авиакомпанияси тўққиз йил давом этган танаффусдан сўнг Германия ва Ўзбекистон ўртасида қатновни қайта бошлаяпти, дея хабар беради “Немис тўлқини”. Компания 28 мартдан бошлаб бир қатор янги йўналишларда, шу жумладан, Майами, Теҳрон ва Тошкентга қатнов бошлаяпти. Мюнхен-Тошкент рейслари ҳафтасига уч марта: сешанба, пайшанба ва якшанба кунлари соат 20.30 да амалга оширилади. Тошкентдан Мюнхенга рейслар Boejng 737-800 учоқларида душанба, чоршанба ва жума кунлари бажарилади ва Мюнхенга соат 10.00 етиб келади. Йўлга кетадиган ўртача вақт олти соатга тенг. Европада парвозларни режалаш бўлими раҳбари Бернхард Людевигнинг (Bernhard Ludewig) изоҳлашича, “Люфтганза” Ўзбекистонга қатнамай қўйганига тўққиз йил бўлди. “2001 йилгача биз Франкфуртдан ҳафтасига уч марта қатнаганмиз. Шундан кейин 11 сентябрь воқеалари содир бўлди, - деди Б.Людевиг. - Шундан кейин бутун дунё бўйлаб авиақатновлар жадваллари ўзгариб қолди. Биз баъзи йўналишлардан воз кечишга қарор қилдик. Кейинги йилларда бир неча бор бу йўналишдаги қатновни қайта тиклашга уриндик. Бироқ, Ироқдаги уруш ва атипик пневмония эпидемиясидан хавотирлар каби содир бўлган бошқа воқеалар бунга ҳалақит берди. 2010 йилда биз Тошкентга яна қатнашга тайёрмиз”.

Ўзбекистон Қирғизистон чегарасидаги “Қорасув автойўл” пунктини ёпиб қўйди

Фарғона.Ру АА — Wed, 03 Mar 2010 13:58:00 +0300

Ўзбекистон 1 мартдан бошлаб “Қорасув автойўл” ўтказиш пунктини бир томонлама тартибда ёпиб қўйди. Бу ҳақда “Фарғона.Ру” мухбириа Қирғизистон Чегара хизматида маълум қилдилар. Ушбу ўтказиш масканини ёпилиши ҳақида Ўзбекистон томони қирғизистонлик чегарачиларни 13 февраль куни расман хабардор қилган. Айни пайтда “Қорасув автойўл” пости орқали ўтказиш тартиби бир томонлама тартибда амалга ошириляпти, яъни Қирғизистон томони меҳмонларни қабул қилишга тайёр, Ўзбекистон эса – йўқ. “Қорасув автойўл” ўтказиш пункти Қорасув улгуржи бозоридан унча узоқ бўлмаган ерда, Қирғизистон ҳудудида жойлашган. Бу ерга ҳар куни минглаб ўзбекистонликлар бозор қилгани келадилар. Энди бозорга келувчилар Қорасувдан 30 километр нарида жойлашган “Дўстлик” пункти орқали чегарадан ўтишларига тўғри келади. Ўзбекистон томони ушбу чегара пунктини ёпиб Қорасув бозоридан арзон товарларнинг мамлакатга киришини чекламоқчи бўлгани очиқ-ойдин.

Покистон: Қабилалар ҳудудида 75 нафар толиблар, шу жумладан ўзбекистонликлар ҳалок бўлдилар

Фарғона.Ру АА — Wed, 03 Mar 2010 08:26:01 +0300

Покистон шимоли-ғарбида, Бажаур қабилалар вилоятида ўтказилган ҳарбий операция давомида армия толибларнинг йирик базасини қўлга киритди. Новости РАА хабар беришича, операция давомида 75 та жанггари ўлдирилган, уларнинг орасида ўзбекистонлик ва чеченистонликлар бор. Бажаур Афғонистон чегараси бўйлаб чўзилган Қабилалар ҳудуди таркибига киради. Бу ерда олдинроқ “Ал Қоида” ва “Толибон” гуруҳларида ҳаракат қилиб келган кўплаб жанггарилар бошпана топган эдилар. Операция Афғонистон чегарасида Дамадўла округида ўтган ва январь ойида бошланган. Ҳарбийлар ғорлардан иборат мажмуани жанг билан қўлга киритдилар. Бу ерда “Ал-Қоида” ва “Толибон” билан боғлиқ жанггариларнинг йирик базаси жойлашган эди. Кўринишидан, Ўзбекистон Исломий ҳаракати назарда тутилганга ўхшайди. “Фарғона.Ру” аввал хабар берганидек, Қабилалар ҳудудида беш мингдан зиёд ЎИҲ жанггарилари бошпана топган. Покистон расмийларига кўра, Ўзбекистон Исломий ҳаракатининг кўплаб аъзолари Исломобод четида истиқомат қиладилар. Бу ерда уларни тез-тез ҳибсга олиб турадилар.

2010 йил февраль ойида жаҳон бозорида пахта толасининг нархлари 15 фоизга ошди

Фарғона.Ру АА — Wed, 03 Mar 2010 08:09:00 +0300

2010 йил февраль ойида жаҳон бозорида пахта толасининг нархлари кўтарилди. Котлук Индекс А (Cotlook Index A) нархларнинг 1 февралдаги бир фунт учун 75,35 центдан 26 февралга келиб 85,55 центгача ўсишини намойиш этмоқда, дея хабар беради The International Cotton Advisory Committee. Пахта толасининг қимматлашуви унинг ишлаб чиқариш ҳажми пасайгани ҳамда дунё бўйича пахта толаси захираларининг 15 фоизга қисқариши билан боғлиқ. Прогнозларга кўра, 2009-2010 йил мавсумида пахта толаси нархи аввалги мавсум ҳосилига қараганда 21 фоизга қимматроқ, дунё бўйича пахта етказиш эса 10 фоизга кўпроқ бўлиб 24,4 миллион тоннага етади. Пахтанинг харид нархлари ошиши, дон ва мойли экин маҳсулотларининг нархи пасайиши ҳамда ишлаб чиқариш харажатларининг барқарорлиги ва “оқ олтин”ни бир неча йиллар давомида асраш имконияти билан бирга барча омиллар фермерларни 2010-2011 йилларда чигит экиладиган майдонни кўпайтиришга ундаши мумкин. Эслатиб ўтамиз, Ўзбекистон пахта толаси экспорти бўйича дунёда иккинчи ва пахта ҳосили етиштиришда олтинчи ўринни эгалламоқда. Мамлакатда ҳар йили 3,5 миллион тонна пахта хом ашёси (1-1,2 миллион пахта толаси) етиштирилади ва ишлаб чиқарилган пахта толасининг 75 фоизи экспортга чиқарилади. Ўтган йили 14-15 октябрида Тошкентда бўлиб ўтган бешинчи Халқаро пахта ярмаркасида бир миллион тоннадан зиёд пахта толаси сотиб олиш бўйича шартномалар имзоланди. Ўзбекистон пахтасининг асосий харидорлари – Хитой, Бангладеш ва Россия.

Ўзбекистон: Соғлиқни сақлаш вазирлиги ҳар бир врачга маҳфий тарзда ойига иккитадан аёлнинг пуштини қирқишга буюрган

Фарғона.Ру АА — Tue, 02 Mar 2010 17:34:02 +0300

Эксперт ишчи гуруҳининг маълум қилишича, 2010 йил 15 февраль куни Ўзбекистон Республикаси Соғлиқни сақлаш вазирлигининг туғиш ёшидаги аёлларнинг ихтиёрий жарроҳлик стериализацияси (ИЖС) тартибини белгиловчи №40 буйруғи чиққан. “Фарғона.Ру” АА маълумотига кўра, туғилиш ўсаётгани ва бунинг ортидан кўп болали оналарга нафақа тўлагани бюджет маблағлари топа олмаётгани, болалар касалхоналарида жой етишмовчилиги, туғаётган аёллар ва чақалоқлар ўртасида ўлим даражаси кўтарилиб кетгани боис ҳукумат бундай чораларни кўришга мажбур бўлмоқда.

Эксперт Ишчи Гуруҳи (ЭИГ) – ўзбекистонлик мустақил экспертларнинг нодавлат таҳлилий бирлашмаси бўлиб, унинг эътибори жамоатчилик манфаатлари ва ҳуқуқнинг ўзаро ҳаракатига қаратилган. ЭИГнинг асосий мақсади – ҳуқуқ ва жамоат манфаатлари ўзаро ҳамкорлиги тенденцияларининг мониторинги ва тадқиқоти; ҳуқуқий ислоҳотлар аҳамияти ва уларни амалга ошириш механизмлари бўйича жамоатчилик онгини кўтариш; маҳаллий экспертлар ҳамжамияти ҳамда таҳлилий тузилмаларнинг шаклланишига кўмак бериш ва жамоатчилик ўртасида ўтказилаётган ислоҳотлар борасида эркин мунозара ва баҳсларни қўллаш.

ЭИГ экспертлари қайд этишича, бу каби “ихитёрий” стериализация Ўзбекистонда 1999-2003 йилларда ҳам кенг қўлланган. Бироқ мустақил оммавий ахборот воситаларида бир қатор танқидий мақолалар пайдо бўлганидан кейин стериализация вақтинча тўхтатиб қўйилди. Шу йил №40 буйруқ чиққанидан сўнг ихтиёрий жарроҳлик стериализацияси соҳасида фаолият яна жонланиб қолди. Айни пайтда мамлакат вилоятларида туғиш ёшидан қолмаган аёллар ўртасида ИЖС ўтказишнинг “нормативлари” ишлаб чиқарилган. Номи ошкор бўлишини истамаган экспертга кўра, бундай аёлларнинг соғлиғини назорат қилувчи участка врачи белгиланган нормативга мувофиқ бир ой давомида иккита аёлни ИЖС ўтказишга кўндира олиши керак. Инструкцияда бу нарсадан аёлнинг “эри ва қайнонаси ҳеч нарса билмаслиги лозим, акс ҳолда улар бунга қаршилик кўрсатишлари мумкин” деб кўрсатилган. Врач зиммасига қўйилган вазифа адо этилмаса, унга жазо чоралари қўлланиши мумкин. Мустақил экспертларга кўра, маъмурият босими остида ишлаётган ўзбекистонлик врачлар била туриб аёлларга бор ҳақиқатни айтмаяптилар. Кўпинча, бундай операциялар аёлларга тўла маълумот берилмай ўтказилмоқда, бу эса шубҳасиз қонунга хилоф.

БМТ Инсон ҳуқуқлари бўйича кенгаши Ўзбекистоннинг маҳфий турмалари ҳақидаги масалани кўриб чиқади

Мария Яновская — Thu, 04 Mar 2010 17:34:00 +0400

Бирлашган Миллатлар Ташкилоти Инсон ҳуқуқлари бўйича кенгашининг ўн учинчи сессияси 2010 йил 1 мартдан 26 мартгача Женевада бўлиб ўтади. БМТ мустақил экспертларининг маҳфий турмалар тўғрисидаги ҳисоботи 8 март куни муҳокама этилади. Ҳисоботда одамларни маҳфий тарзда қамаб қўйиш ҳеч қандай шароитларда мумкин эмас деб айтилган. “Фарғона.Ру” ҳисоботнинг Ўзбекистондаги маҳфий турмалар тўғрисидаги лавҳалари билан танишишни таклиф этмоқда

Ўзбекистон: Андижонда катта очарчиликга тайёргарлик кўришмоқда

Ўқувчи мактуби — Wed, 17 Feb 2010 10:22:00 +0400

“Фарғона.Ру” таҳририятига Андижондан хат келди. Маҳаллий маъмурият бу шаҳарда яшайдиган бюджет ташкилотлари ходимларига норасмий равишда: “банкларда пул йўқ, қоринни эса тўйғазиш керак, шунинг учун томорқада сабзавот етиштириш лозим” дея қатъий тарзда тавсия қилмоқда. Кўринишидан, аҳолини бўлажак синовларга тайёрлашаётганга ўхшаяпти. Шунинг учун бюджет ходимларидан ишхонага бирор-бир ер участкалари бор-йўқлиги тўғрисида справка олиб келишга ва озиқ-овқат ғамлашга мажбур қилишмоқда. Ўқувчиларимизга қуйидаги мактубни тақдим этар эканмиз, уларга шундай савол билан мурожаат этамиз: бундай ҳолат фақат Андижондами ёки Ўзбекистоннинг бошқа шаҳарларида ҳам муҳтамал очарчиликка тайёргарлик борми?

Ўзбекистон: Марк Вайлни ўлдиришда айбланаётганлар режиссёрнинг ўзи айбдор деяптилар

Sat, 13 Feb 2010 17:42:00 +0400

Тошкентда “Илҳом” театрининг бадиий раҳбари Марк Вайлнинг қотиллари устидан ёпиқ суд жараёни кетаяпти. Суднинг биринчи икки мажлисида бўлганларнинг айтишича (учинчиси ёпиқ тартибда ўтган), айбланувчилар айбларига қисман иқрор бўлганлар ва режиссёрни эҳтитётсизлик орқасида ўлдирганларини билдирмоқдалар. Маълум бўлишича, “Вайлнинг ўзи уларга ташланган экан, улар бўлса зарурий мудофаа чегарасидан четга чиқиб кетганлар, холос”.

Ўзбекистон: Бир гуруҳ шахслар томонидан номусга тегиш ўрнига – “енгилтаклик”?

Фарғона.Ру — Sat, 06 Feb 2010 13:45:00 +0400

Ўзбекистон ҳукумати кишини даҳшатга солувчи навбатдаги жиноят – опа-сингил Соатоваларни тергов давомида бир гуруҳ милиция ходимлари томонидан зўрланишини “босди-босди” қилишга уринмоқда. Бироқ бир қатор хорижий оммавий ахборот воситаларида чоп этилган ушбу хабар дунё ҳамжамиятининг норозилигини уйғотди. БМТнинг махсус вакили Ўзбекистон турмаларидаги зўрлаш ва қийноқлар системали тус олгани ҳақида келаётган маълумотларни текширишга отланган. Бироқ расмий Тошкент бунга имконият яратадими ёки йўқми, номаълум

Даниялик журналист Майкл Андерсен: “Ислом Каримов ва унинг ҳамкасблари – Марказий Осиёдаги “экстремистларнинг” энг катталари”

Фарғона.Ру — Wed, 20 Jan 2010 17:05:00 +0400

“Ал-Жазира” телеканалининг инглиз тили хизмати 2010 йил 20 январь куни даниялик сиёсатшунос ва журналист Майкл Андерснинг “Диний экстремизм ҳақида афсона” дея аталувчи янги фильмини намойиш эта бошлайди. Кўп йиллардан бери Марказий Осиё масалалари билан шуғулланиб келаётган Майкл Андерсенга кўра, сўнгги ўн беш йил давомида Марказий Осиё режимлари рақибларига “экстремист” ва “террорист” тамғаларини ёпиштириб мухолифатни йўқ қилиб келмоқда. “Минглаб одамларни қамаб, уларни қийноққа солиб диктаторлар секин ҳаракатланувчи минани ишга солмоқдалар. Афсуски, Ғарб буни эътиборга олмасликни афзал кўрмоқда”, - дейди комил ишонч билан фильм муаллифи. “Фарғона.Ру” Майкл Андерсен билан унинг сўнгги лойиҳаси ҳақида суҳбатлашди. “Фильм қаҳрамонлари – ақл бовар қилмас даражадаги жасоратли журналистлар ва ҳуқуқ ҳимоячилари ўз ҳаётларини хавф остига қўйиб режимга қарши кураш олиб бормоқдалар, дейди даниялик журналист. – Ёвузлар кимлигини эса ҳаммамиз билсак керак, деб ўйлайман”.

“Эксперт хулосаси”: Умида Аҳмедова ижоди “Ўзбекистон халқлари анъаналарини таҳқирлади”

Алексей Волосевич — Mon, 18 Jan 2010 16:00:00 +0400

Ўзбек халқини “ҳақорат қилиш” ва “туҳмат” бўйича айблаётган ҳужжатли фотосуратлар устаси, кинооператор Умида Аҳмедованинг иши якунловчи босқичига етиб келди. Унинг ўзини эса 2010 йил 13 январь куни кино- ва фото-ишларига нисбатан “экспертлар” гуруҳининг хулосаси билан таништирдилар. Ҳозир у терговчига Ўзбекистондан чиқмаслик тўғрисида тилхат ёзиб берган. Яқин кундар ичида Умида Аҳмедовага расман айблов эълон қилиниши кутилмоқда. Ҳозир эса ўқувчиларимизни грамматик, юриик ва мантиқий хатоларга тўла бўлган “экспертлар” хулосаси билан танишишни таклиф этамиз

Ўзбекистон махсус хизматлари мустақил журналистларга досье тўплаяпти

Алексей Волосевич (Тошкент) — Fri, 15 Jan 2010 12:55:00 +0400

Тошкент шаҳар прокуратураси Ўзбекистон Миллий хавфсизлик хизмати ва Ташқи ишлар вазирлиги билан ҳамкорликда январь ойи бошида мустақил журналистларни қўрқитиш акциясини ўтказди. Бир неча журналистлар назорат идорасига бир вақтнинг ўзида чақирилди, уларнинг устидан тўпланган батафсил маҳфий маълумотлар ҳар бирига тақдим этилди, улар ёзган мақолалар эса “объектив эмас” ва “бир томонлама” деб айтилди. Бўлиб ўтган ҳодисани Ўзбекистонда қолган саноқли эркин журналистларнинг оғзини ёпишга уриниш дея баҳолаш мумкин. “Фарғона.Ру” агентлигининг штатсиз мухбири Алексей Волосевич прокуратура ходимлари билан бўлиб ўтган мулоқотнинг қандай кечганини ҳикоя қилиб бермоқда

Ўзбекистонда бензин ва автомашиналар нархи ошмоқда

Умар Шариф — Tue, 12 Jan 2010 18:44:00 +0400

Ўзбекистонда 2010 йил 1 январидан бошлаб бензин нархи қимматлади. Президентнинг бошқа янги йил совғаси эса автомобиль савдосига тегишли. Бундан бери мамлакатда импорт ва янги автомобиллар савдоси билан фақат юридик шахслар, яъни, ишлаб чиқарувчи корхоналарнинг расмий диллерлари шуғулланадиган бўлдилар. Яъни, хусусий тадбиркорлар ушбу даромадли бизнес билан шуғулланиш ҳуқуқидан маҳрум бўлдилар. Одамларнинг орасида GM-Uzbekistan ишлаб чиқарган автомобилларнинг нархи 10-12 фоизга ошар эмиш деган гаплар юрибди. Нарх ошиши фақат “Matiz”, “Nexia” ва “Damas” тегишли, чунки Ўзбекистонда ишлаб чиқарилган бошқа автомобилларга талаб катта эмас

Ўзбекистон: АҚШ ва Россия элчихоналари йилнинг энг яхши журналистларини мукофотладилар

Фарғона.Ру — Wed, 30 Dec 2009 20:28:00 +0400

Янги йил арафасида АҚШ ва Россиянинг Ўзбекистондаги элчихоналари икки томонлама муносабатларни ёритиш бўйича журналистик танловлар якунларини эълон қилдилар. Танлов ғолиблари орасида “Фарғона.Ру” ахборот агентлигининг штатсиз мухбирлари Сид Янышев, Сергей Наумов ва Павел Кравецлар бор. “Фарғона.Ру” таҳририяти ҳамкасбларимиз ва дўстларимизни танловдаги ғалаба ва кириб келаётган Янги йил билан чин кўнгилдан қутлайди!

Ўзбекистонда парламент сайловлари бўлиб ўтди

Wed, 30 Dec 2009 12:39:00 +0400

Ўзбекистонда 27 декабрь куни парламент сайловлари бўлиб ўтди. Ўзбекистон Марказий сайлов комиссияси 27 декабрь туш пайтига келиб республикада парламент сайловлари бўлиб ўтди дея билдирди. МСК маълумотига кўра, эрталабдан шу чоққача сайловчиларнинг ярмидан кўпи овоз бериб бўлган эканлар. “Фарғона.Ру” мухбирлари пойтахтдаги сайлов участкаларидан бирига бориб овоз бериш иштиёқи билан ёнаётган сайловчиларни ўз кўзлари билан кўриб келишга аҳд қилдилар. Йўлма-йўл учраган одамларнинг фикрини сўрадилар.

Ўзбекистон: “Правда Востока” ҳеч кимга керак бўлмай қолди

Фарғона.Ру — Tue, 22 Dec 2009 14:01:00 +0400

Ўзбекистон ҳукуматининг “Правда Востока” газетаси маълум бўлишича, ўз обуна кампаниясининг ўтиши борасида қаттиқ ташвишга тушиб қолибди. Газетани ҳеч ким ўқишни истамай қолгани ҳақида унинг ўзи чоп этган “Югурган етар экан” деган мақоласидан тушунса бўлади. Журналистлар идора ва маҳкамалар ўртасида мажбурий обуна кампаниясига қаттиқ умид қилгандилар, аммо “кампания ниҳоясига етишига аттиги бир неча кун қолганида” эса, дастлабки натижалар мутлақо қувонтирмаяпти. Қизиғи шундаки, “Правда Востока” обуна кампаниясининг барбод бўлишида ўзи чиқараётган газетанинг сифатини эмас, балки туман ва шаҳар туманликларини ҳамда турли ташкилотлар раҳбарларини айблаяпти.

Ўзбекистон: Фотосуратчи Умида Аҳмедовага қарши жиноий иш қўзғатилди

Фарғона.Ру — Fri, 18 Dec 2009 08:39:00 +0400

Тошкентда таниқли ҳужжатли фотосуратчи ва кинооператор Умида Аҳмедовага қарши жиноий иш қўзғатилди. Уни ўзбек халқига туҳмат ва ҳақорат қилишда айблаяптилар. Бунга сабаб сифатида 2007 йилда “Швейцария Элчихонаси Гендер Дастури” кўмагида нашр этилган “Аёллар ва эркаклар: тонг саҳардан кун ботгунча” дея аталувчи фотоальбомни номи келтирилган. Альбомда Ўзбекистонда истиқомат қилувчи одамлар турмушинининг турли ҳолатларини акс этувчи юздан зиёд фотосуратлар бор. “Бунинг нимаси туҳмат?” – дея сўради Аҳмедова терговчидан. Савол жавобсиз қолди

Ўзбекистон рейтинги: Каримов ўзи бошқараётган республиканинг “эришган ютуқлари” билан ғурурланишига арзийдими?

Ўз ахб. — Thu, 17 Dec 2009 07:25:00 +0400

Ўзбекистон конституциясининг 17 йиллигига бағишланган тантанали йиғилишда сўзга чиқа туриб, президент Ислом Каримов йигирма йил давомида бошқариб келаётган ўзи мамлакатда ўтказилаётган “кенг кўламли ислоҳотлар” ва эришилган буюк ютуқлар тўғрисида республика бомонди олдида бир соат давомида мақтаниб маъруза қилди. Ўзбекистон раҳбари “дeмократик давлат, фуқаролик жамияти, замонавий иқтисодиёт тизимини барпо этиш, дунёда ўзимизга муносиб ўрин эгаллаш йўлида” эришлган ютуқ ва натижаларни жаҳон жамоатчилиги муносиб баҳолашига ишончи комил. “Фарғона.Ру” таҳририяти бу ютуқлар аслида нимадан иборат, Ўзбекистон дунё бўйича қандай ўринни эгаллаётгани борасида изланиб қўришга уринди

Ўзбекистон: Тошкент бозорларида “пластик”да ҳисоб-китоб қилиш учун илк терминаллар пайдо бўлди

Ўз ахб. — Wed, 16 Dec 2009 08:23:00 +0400

Шу кунларда “Тошбозортайёрловсавдо” ассоциацияси ЎзА ахборот агентлигига Тошкент бозорларида ўттиздан зиёд тўлов терминаллари ўрнатилгани ҳамда бу ерларда озиқ-овқат маҳсулотлари ва буюмларни пластик карточкалар орқали сотиб олиш мумкинлиги ҳақида ишончли маълумот тақдим этди. Шу муносабат билан “Фарғона.Ру” мухбирлари Тошкент бозорларини айланиб, терминалларнинг ишлаётганини ўз кўзлари билан кўришга қарор қилдилар. Мухбирлар Ўзбекистон пойтахтининг тўртта бозорини бўлиб, уларнинг фақат биттасида тўлов терминаллари ўрнатилганини кўрдилар. Маълум бўлишича, бу терминаллар фақат VISA тизими карталарига хизмат қилар экан. Боз устига, ҳаридорлар карточкалар ёрдамида фақат белгиланган маълум бир озиқ-овқатлар тўпламини сотиб олишлари мумкин экан, холос

Ўзбекистон: Болалар пахтада ҳали ҳеч қачон бу йилгидек қийналмагандилар

Д.Драйзер — Wed, 09 Dec 2009 09:04:00 +0400

Ҳуқуқ ҳимоячиларнинг маълум қилишича, бу йилги пахта терими мавсумида болалар меҳнати шароити Ўзбекистон мустақилликка эришганидан бери энг оғир бўлиб қолди. Мамлакатда пахта терим кампанияси тугагани ҳақида 30 октябрь куни расман эълон қилинганида ҳам далаларнинг кўпида биринчи терим пахтаси бор эди. Шунинг учун ҳам ҳосилни ноябрь охирида, қиш-қиров кунлари кириб келганидан кейин йиғиштириб бўлдилар. Болалар меҳнатини тақиқловчи қонунларнинг мавжудлигига қарамай, икки ярим ой давом этган пахта терими мавсумида асосий ролни мактаб ўқувчилари ва талабалар ўйнадилар. Бундан ташқари, болаларни эксплуатация қилишни тақиқловчи қонунлар ёрдам бермай, аксинча, уларнинг далалардаги шароитини ёмонлаштириб қўйди. Бу ҳақда “Фарғона.Ру” репортажида ўқинг.